Jørðin melur um Sólina, sum er tann stjørnan, sum er Jørðini næst. Jørðin verður eisini nevnd 'Tann bláa gongustjørnan'. Sjógvur fjalir næstan 3⁄4 av Jørðini, og tí er hon blá at síggja til úr rúmdini.
Featured
Hóast Jørðin alla tíðina er á ferð um Sólina, merkja vit ikki, at hon flytur seg. Jørðin melur eisini um seg sjálva. Ein snúningur tekur um 23 tímar og 56 minuttir.
Rundan um Jørðina er tjúkt lag av luft, sum vit nevna lofthav (atmosferu). Lofthavið verður tynri og tynri longri burtur vit koma frá Jørðini og tynnist at enda burtur í einki. Tað er her, rúmdin byrjar.